دوره حياة الافيليت والتسويق بي العمولة

واحدة من الأشياء التي لاحظتها خلال ال 5 سنوات الماضية في مجال التسويق بالعموله, هو أن طريقنا واحد كلنا بنتبع نمط واحد نسبيا هو خط مرسوم وكلنا بنمشي عليه بل أكاد أجزم ان كلنا بدأنا من نفس النقطه ومتفقين في حاجه اساسيه - ان كلنا بدأنا من نقطه الصفر حيث لا معلومات او اموال تسمح لنا اننا نتعلم المجال صح كلنا بدأنا الطريق بشكله الاصعب بدأنا ولا نمتلك اي شي علي الاطلاق.

وده يخليك تسأل سوال مهم جدا ليه في ناس بتنجح وناس بتفشل مع اننا كلنا بدأنا من نفسه النقطه - الفرق يا صديقي هو مدي رغبتك في العمل في مجال التسويق بالعموله لا اتحدث عن الرغبه في النجاح بحد ذاته ولك اتحدث عن رغبتك في النجاح في هذا المجال - اللي بيجلس ساعات طويله علي جهازه لا يكل او يمل ده شخص من جواه عاوز ينجح ويحقق اكتر بكتير من حتي اللي بيعلمه .

في رأيي المتواضع - نجاحك في مجال التسويق بالعموله يعتمد علي حاجه واحده حاجه واحده فقط - تفكيرك, عقلك, المايند ست.
وللأسف فدي اصعب حاجه ممكن تتعلمها في حياتك كلها - ازاي تغير من طريقه تفكيرك ونظرتك للامور.
ولكن خليني اكون واضح معاك يستحيل هتقدر تغير من تفكيرك للاحسن بدون ما يكون عندك خبره وتبدأ تجرب ووقتها فقط هتكستف ان العقبه الوحيده قدامك عشان تنجح اكتر هو تفكيرك نفسه.

اللي اقدر اتكلم معاك فيه اليوم واللي مبني علي خبرتي في ال 5 سنين اللي فاتوا - اننا كلنا بندور في مراحل ثابته ومعروفه في هذا المجال - حابب اني اكلمك عنها عشان لما تتعرف عليها هتقدر تنظر لنفسك وتشوف انك بالفعل قدامك كتير اوي عشان تقول انا نجحت او هتوقف او هاكمل في هذا المجال - في الاخير هتقدر تعرف ان كل اللي انت بتعمله دلوقي صدقني في غيرك قبلك وبعدك عملوه وهيعملوه وان وضعك مش استثنايي بالعكس كله بيدور في حلقه معروف اولها واخرها.

علي اي حال فقط كل ما اطلبه منك انك تقوم بقراه ما لدي بالاسفل عشان تقدر تعرف انك وضعك دلوقتي فين في مراحل التسويق بالعموله ولو عرفت انت واقف فين بالظبط هتقدر تحدد الخطوه اللي جايه ايه.

المستوي الاول - الهاوي ( 0 ) دولار يومي :-
=========================

لا يعرف اي شي عن التسويق الالكتروني غير انه موجود. وان هناك العديد من الاشخاص يزدادوا ثرا من خلاله.
اعتقد انه عرفه المجال من صديق ما لديه واخبره انه يحقق المال من هذا المجال وانه كان بينشر في منتديات او عامل اكونت باسم بنت وبيسوق للعروض وعمل اموال جيده ولكن بعد فتره اصبح بيشتغل شكل سليم وشرعي .هايبدأ الشخص الهاوي يبدي اهتمام انه عاوز يتعلم المجال ويبدأ يفكر انه في خلال عام سيصبح المليونير القادم. هتتعرف علي منتديات مثل - ديجيتال بوينت - هيبدأ يقرا المقالات يتفرج علي فيديوهات هيتفاجي بكم المعلومات الرهيبه الموجوده ولكن مش هيعرف يفرق بين الجيد والسي هيرجع تاني لصاحبه يسأله وهيتفاجأ بانه لسه هناك اي رد وان صاحبه بيتهرب منه

المستوي الثاني - الشغوف ( 0 ) دولار يومي :-
==========================

بعد ساعات وساعات من القراءة هتبدأ في الحصول علي المفاهيم الاساسيه للتسويق بالعموله. ما هو وكيف يعمل. هتبدأ تتعرف علي الاسما اللامعه في المجال هتبدأ تتعرف علي كوراساتهم هتحاول تبحث عن الكورسات دي في اي مكان وتحملها مجاني. اصبحت متأكد ان الكورس ده والماتريال اللي موجوده بداخله هو الحل السحري لكي تصبح مليونير في عام. هتبدأ بالفعل في مشاهدة كل شيء والحصول على شعور هائل من الإثارة - بالفعل هيصبح الموضوع مثير جدا بالنسبه ليك بالاخص بعد قراءة بعض قصص النجاح - هتبدأ تتحسس طريقك هترجع تاني لصديقك وتسأله وقتها هيبدأ يرد عليك ويوجهك ولكن ليس بالشكل الكبير فقط هيضع قدميك علي الطريق. في اللحظه دي بتبدأ اللحظه الفارقه انك قررت تبدأ وتجرب في حمله او اثنين - اعتقد في الوقت ده صعب اوي تكون بتنام بالليل الاثاره في قمتها وانك متحمس جدا انك تبدأ.

المستوي الثالث - المبتدي ( 10 - 100 ) دولار يومي :-
===============================
يوم حظك قد بدأ- بالفعل اصبح لديك اول حمله وقمت بكل شي من وجهه نظرك - ولكن الامور لم تجري كما تخيلت الموضوع ليس بالسهوله اللي قد تخيلتها- انك تري احلامك وطموحاتك كلها لا تتحق امام عينيك, لا تعرف السبب كيف لا تحقق ال 10 الاف وال 100 الف اللي تم اقناعك انك هتحققهم في 10 دقايق لما تشتغل في مجال التسويق بالعموله.
ما هو الخطأ ؟ يبدأ الوضع المكرر دايما تتحول الي انسان الي كل همه وكل افعاله شي واحد فقط
تتحدث مع كل من حولك وتسألهم السوال المعتاد - ايه اللي شغاله - ايه هو السر - ايه هو افضل ترافيك سورس - ايه هو افضل عرض - اي هيه افضل شبكه تسويق بالعموله.

تبدأ في ايقاف حملاتك وتتحول الي حملات المنافسين بك وتنسخ حملاتهم كما هيه اعتقادا منك انك بكده هتبدأ تحقق كل احلامك وانهم بالفعل لديهم السر الخفي عنك.
لن تترك الافيليت مانجرز الخاص بك وستخبره بالكارثه انك عملت الحمله كما يجب وان العرض مش شغال وان في مشكله في سيستم التتبع وان الشركه نصابه .

هتجري علي المنتديات وعلي السوشيال ميديا لتسمعنا الجمله المعتاده ان الفيس بوك كمصدر للترافيك خلاص مات وانتهي وان الفيس بوك اصبح عديم الفايده بالنسبه للافيليت

اللي بيحركك هنا هو تفكيرك واللي مسيطر عليه شعور واحد الخوف - الخوف من الفشل وده يا صديقي مش هينقلك من مكانك مهما عملت
.
اعتقد ان اغلبنا او ممكن تقول 80 % من معشر الافيليت بيفضلوا في المتاهه دي للابد - ان دايما في سر وان المشكله في العرض او الترافيك سورس او الافيليت نتورك ومن هنا يبدأ ياخد وضعيه الانكماش وينسحب من المجال تماما ليبحث عن فرصه في مجال أخر.

المستوي الرابع - المستوي المتوسط ( 100 - 500 ) دولار يومي :-
======================================

هنا هتكون اتنقلت من المرحله اللي فوق وانك بالفعل تبدأ تفكر باستقلال تام وتتوقف تماما عن محاوله تقليد الغير- هتري حملاتهم شغلهم ولكن هتنظر له من ناحيه الالهام - هتاخد افكار هتحلل هتفهم هما عاملين ايه ليه وتبدأ تعمل تحليل للسوق - تبحث عن اهتمامات الجمهور المستهدف - هتتكلم مع الافيليت مانجرز الخاص بك هتبدأ تسأله عن الجمهور الامثل لمثل هذه العروض هتبحث وتتكلم وتشارك في المنتديات عن الاستهداف الأمثل لمثل هذا الجمهور - وفي النهايه هتبدأ تخرج بفكره خارج الصندوق فكره ابداعيه هتبني عليها حملاتك للعروض اللي انت شغال عليه.ممكن تفضل علي الحال ده مده اسبوع او اسبوعين وبعدها في احتماليه كبيره انك تري XXX من الارباح اليوميه وارباحك تكسر حاجز ال 100 دولار. ومن هنا تبدأ اكبر مشكله هتقابلك
الافتراض وتوقع الارباح - هتترك الحمله تماما بدون اي تعديلات عليها فقط هتبدأ تتابع ارباحك وتوقف اعلان وتشغل اعلان ولا جديد اطلاقا في استهدافك او في افكارك لتتفاجأ بواقع صعب ان الحمله بعد اسبوع توقفت تماما لاسباب عديده - المعلن قرر ان يوقف العرض - البكه قررت انها تطلعت من العرض - الترافيك سورس اصبح لا يرسل اي ترافيك اليك.
ثم ترجع يا صديقي الي المربع رقم 1. صفر ارباح

المستوي الخامس - السوبر افيليت( 500 - 1000 ) دولار يومي :-
===================================
بعد فتره من التجارب هتكتشف انه لسه هناك اي سر - وانك مجرد ما بقه عندك حمله واحده ناجحه من صنعك فبامكانك انك تصنع المزيد وان السر دايما يقبع في التكرار.
عقليه هيبدأ يتحول تدريجيا من عقليه اللوم والعتاب والخوف الي عقليه الشجاعه وليه لا ايه اللي مانعني اجرب - عملتها مره هاعرف اعملها تاني وتالت.
هتتوقف تماما عن الاسيله مش هتسأل حد ولا هتشغل بالك بكل ده - هتبدأ تاخد زمام المبادره وتبحث عن حملات مفيش حد شغال عليها وتبدا تفكر ازاي تخرج بافكار ابداعيه لتسويق العرض ده. في اللحظه دي يا صديقي هتلاقي نفسك بتعمل حملات افضل بكثير من الاول
افكار ابداعيه - استهداف ممتاز - تحيليل كل كبيره وصغيره في التقارير - عقليه مستعده للخساره لانها عرفت ان المجال كله مخاطره وتبدأ تفكر ازاي تدير المخاطره نفسها مش تبعد عنها
هتكشتف ان الحمله الناجحه رقم 2 جايت بسرعه شديده والحماس اصبح في قمته بالنسبه لك - هتوصل لمرحله انك خلاص عرفت السر ومن هنا تبدأ تكبر في حملاتك بشكل كبير وتتنقل لمصادر ترافيك اخري وعديده - هتبدأ تجرب دول اخري - هتغير في الافكار بتاعك للحمله ولطرق تسويقها - في المرحله دي بالفعل انت عرفت انك عشان تنجح هتبدأ تفكر في حلول مش في المشكله نفسها وانك محتاج اكتر من عرض وحمله ناجحه عشان يكون ليك مستقبل في مجال التسويق بالعموله
حمله واحده لن ترضي غرورك او تشبع رغباتك واللي بقت في قمتها حاليا.

المستوي السادس - الخبير 1000 - 5000 ) دولار يومي :-
===================================

أنت الآن تعتمد بقوة علي عقلك وثقتك بنفسك - اصبحت سباقا للغايه وطريقه في التفكير اصبحت افضل بكثبر من الاول - لو الحمله دي هتنجح فانا اللي هخليها تنجح - الموضوع بيتحول عندك هنا لتحدي من نوع خاص وصلت لرقم معين في اليوم كارباح بتبدأ تضع لنفسك تارجت اكبر تحدي اصعب والموضوع بيتحول لهدف عاوز تحققه - لديك العديد من الحملات الناجحه تعمل بشكل جيد هتبدأ في استثمار 20 % من ارباحك في انك تجرب حملات جديده كليا وعروض محدش بيفكر فيها وبالنسبه لك تجربه وانك قادر انك تخليها تنجح اصبح لديك الخبره الكافيه والاهم العقليه المتفتحه اللي اصبحت فاهمه انها في بيزنس وان التحدي الاهم هو اثبات الذات وتحقيق دخل متنوع ومن مصادر مختلفه
في المرحله دي اللي بيكون غالب علي تفكيرك هو تنويع مصادر الدخل وانك مش حابب يفضل الدخل الخاص بك يأتي من عرض واحد او شبكه افيليت واحده او دوله او ترافيك سورس واحد. اصبح يشار اليك بعين الخبير

المستوي السابع - الاستاذ ( 5000 - 10000 ) دولار يومي :-
===================================

المرحله دي كل اللي بيتحكم فيها هو عقلك وتفكيرك - الاموال في حد ذاتها اصبحت لا تمثل اي قيمه - ليس عندك اي مشكله اطلاقا انك تجرب عرض جديد وتخسر فيه 100 او 500 دولار لان الموضوع بالنسبالك في المرحله دي من حياتك مش خساره اموال بقدر ماهو ليه لا ليه مش اجرب انا بشتري داتا - هتنفعني هتنفعني ان لم يكن في هذا العرض هيكون في غيره - لن تتوقف عند هذا الحد فانت اصبح خبيرا بحق هتبدأ تخرج من التعامل مع شبكات الترافيك من خلال لوحكه التحكم هتبدأ تفكر في شرا الترافيك من اصحاب المواقع بشكل مباشر بل هتبدأ تفكر انك عاوز تسيطر علي نوع معين من الترافيك او دوله ما او عرض معين.
الاهم هنا في المرحله دي واللي هتكشتفه تباعا هو وقتك انت بالفعل عملت حملات كتير ناجحه وفهمت اللعبه وايه شغال والاهم ايه مش شغال وليه . هتقدر قيمه وقتك جدا وهتبدأ تبحث عن اشخاص يقوموا بالمهام المعتاده بك نظير اموال - الاهم عندك انك هتركز علي الاشبا الكبيره لس حمله ا اثنين ولكن شركاه - استقرار - تبني تيم كبير - تبني ادوات تطور بيها شغلك - تصنع اسم في المجال - الكثير والكثير تقدر تعمله في المرحله دي.

المستوي الثامن - الاسطوره ( 10000 فما فوق ) دولار يومي :-
===================================

انت الان في مرحله مختلفه تماما - اصبح لديك تيم مكون من العشرات - عندك شركه - بل ممكن اقول انك بتمتلك جزيره خاصه بك او لامبورجيني اخر موديل.
الموضوع اصبح غريب بالنسبه لك حينما تتذكر كيف بدأت في مجال التسويق بالعموله وماذا اصبحت وبيبدأ يتولد لديك احساس
ايه الجديد اللي خلاني وصلت للمرحله دي في مجال التسويق بالعموله ومريت بكل المراحل دي ونجحت في الاخير يخليني اقدر انجح في الي مجال تاني - ايه المانع ابدأ شركه جديده في مجال التجاره الالكترونيه - ما المانع ان اكون صاحب العرض او المعلن او ابدأ ان يكون لدي شبكه الترافيك الخاصه بي بل ممكن تذهب لاكثر من هذا فما المانع ان تمتلك شبكه تسويق بالعموله خاصه بك . انت اكتر واحد في المرحله دي فاهم الصناعه وقادر تضيف قيمه حقيقيه لمجتمع الافيليت.

===================================

من الواضح اني بالغت كثيرا في تلك المراحل - ولكن ما اريد ايصاله لك بمنتهي البساطه

ان تاخذ مقعدك وتستمع بالرحله فصدقني الرحله طويله وشاقه ولكن ممتعه.
اعي واتفهم تمام ان في بعض الاحيان الموضوع بيكون صعب جدا حينما لا تري نتايج او ارباح كما توقعت. ولكن صدقني المثابره هيه الحل اصبر وطور وحسن وفي الاخير هتلاقي نتايج اكبر بكثير من تخيلك وتوقعاتك

لو بالفعل مش شايف اي ضو في نهايه النفق - فانا اقدر ااكدلك انه موجود وان اي نفق في الدنيا مهما كان طويل فله اخر وفي اخره الضو اللي انت مستنيه

كل اللي انت محتاجه - حمله واحده ناجحه - الطريقه الوحيده اللي تخليك فاشل هي انك تفضل تتفرج علينا من بعيد وما تنزلش تلعب معانا

- المقاله مستوحاه من عده مقالات اونلاين وحاولت فيها اجمع احنا بنمر بايه وايه بيقابلنا

- لعلني اغفلت بعض النقط او بالغت في عده نقط ولكن اتمني ان تكون الرساله وصلت

استمتع بالقياده وما تنساش تقولنا انت في اي مرحله من دول ؟؟